Қорақалпоғистон Республикаси Жўкорғи Кенгеси

⌂ ЎЗ ҚР РУ EN

Қорақалпоғистон Республикаси

Жонажон Ватанимиз – Ўзбекистон Республикаси ўзининг мустақил ривожланиш йилларида асрларга тенг йўлни босиб ўтди. Тарихан қисқа бу даврда шаҳар ва қишлоқларимиз, бутун юртимиз қиёфаси, жамиятимиздаги ижтимоий-сиёсий муносабатлар бутунлай ўзгарди. Ҳаётимизнинг барча соҳа ва тармоқларида барқарор ўсиш суръатлари кузатилмоқда. Энг муҳими, халқимиз қалбида ўз юртига эгалик ҳисси, шу улуғ Ватаннинг бугунги ва эртанги куни учун масъулият ва дахлдорлик туйғуси ортиб, унинг онгу тафаккури ва дунёқараши юксалиб бормоқда.

Мустақиллик йиллари бутун мамлакатимизга, ҳар бир ҳудуд ва минтақага бунёдкорлик ва янгиланишлар бошлаб келганининг тасдиғини Ўзбекистонимизнинг шимолий қисмида жойлашган Қорақалпоғистон Республикаси мисолида ҳам яққол кўриш мумкин.

Маълумки, саховатли ва бетакрор қорақалпоқ диёри мамлакатимиз ижтимоий-иқтисодий ривожида алоҳида ўрин тутади. Бу ҳақда сўз юритганда, Муҳтарам Президентимиз Ислом Абдуғаниевич Каримовнинг “Қорақалпоқ халқи доимо юртимизнинг таянч тоғларидан ҳисобланган” деган сўзларини эсга олиш ўринлидир.

Шунинг учун ҳам мустақиллик йилларида бошқа минтақаларимиз қатори Қорақалпоғистоннинг ривожланишига ҳам улкан эътибор берилмоқда. Айнан ана шундай эътибор туфайли бугунги кунда республика пойтахти – Нукус шаҳридан бошлаб, туманлар марказлари, шаҳар ва қишлоқлар, ҳатто чекка овулларгача ҳар томонлама ўзгариб, ривожланиб бормоқда. Бунда, айниқса, давлатимиз раҳбарининг бевосита ташаббуси билан ишлаб чиқилиб, изчил амалга оширилаётган Қорақалпоғистон Республикасини ижтимоий-иқтисодий ривожлантириш дастурлари муҳим аҳамият касб этмоқда. Айтиш керакки, бу дастурлар республикани асрлар давомидаги оддий аграр ўлкадан замонавий ишлаб чиқариш ва ижтимоий-иқтисодий инфратузилмалар, транспорт-коммуникация тармоқлари, юксак малакали кадрларга эга бўлган қудратли минтақага айлантиришни назарда тутади.

Дастурларнинг босқичма-босқич ҳаётга тадбиқ этилиши натижасида қорақалпоқ замини бугунги кунда таниб бўлмас даражада ўзгариб, йилдан-йилга чирой очиб, барқарор суръатларда ривожланиб бораётган диёрга айланди.

Мустақиллик йилларида бу заминда амалга оширилган улкан иқтисодий-ижтимоий ўзгаришлар, қурилиш ва ободончилик ишларини санаб адоғига етиб бўлмайди. Ўрта Осиёда ягона бўлган, саҳро бағридаги мўъжиза деб ном олган Қўнғирот сода заводи, Хўжайли шиша заводи, “Марказий Осиё безак тошлари” қўшма корхонаси, Қўнғиротдаги карбид, Нукусдаги мармар ва кабель заводлари, Ўрга газ кони, “Элтекс” ва “Катекс” мажмуалари каби замонавий ишлаб чиқариш объектлари, Қорақалпоғистон Республикаси Жўқорғи Кенгеси, Тошкент ахборот технологиялари университетининг Нукус филиали, Олимпия захиралари коллежи бинолари, 345 километрлик Навоий – Нукус темир йўли, Нукус билан Хўжайлини боғлайдиган улкан кўприк, Қўнғирот автомобиль йўли, ўнлаб умумтаълим мактаблари, лицей ва коллежлар, болалар спорти, болалар мусиқа ва санъат мактаблари сингари кўплаб иншоотлар – буларнинг барчаси истиқлол мевасидир.

Миллий автомагистрал қурилишида рўй берган улкан воқеалардан бири – бу шу йўлнинг Нукус шаҳрига кираверишида янги кўприк ва чорраҳа йўлнинг қурилишидир.

Шуни ҳам алоҳида таъкидлаб ўтишимиз керак, Муҳтарам Президентимизнинг ташаббуси билан тамал тоши қўйилган Устюрт газ-кимё мажмуасининг қурилиши бугун дунё халқлари эътиборини жалб этмоқда.

Энг муҳими, қорақалпоқ халқи асрлар давомида орзу қилиб, интилиб келган эзгу мақсадига етди – озод ва эркин, тинч-осуда ҳаётга эришди, ўз тарихи, маданий мероси, миллий анъана ва қадриятларини тиклаш, ривожлантириш, ўзлигини англаш имконига эга бўлди.

Қорақалпоғистон Республикаси Ўзбекистоннинг шимолий-ғарбий қисмида, Амударёнинг қуйи қисми, Орол денгизининг жанубий соҳилида жойлашган. Республика жануби - ғарб томондан Қорақум саҳросига туташган. Унинг шимолий-ғарбида Устюрт текислиги, шимолий-шарқий томонида эса Қизилқум саҳроси ястаниб ётибди. Орол денгизининг жанубий ҳудуди қорақалпоқ заминида жойлашган. Қорақалпоғистоннинг умумий ер майдони 166,6 минг квадрат километрдан иборат бўлиб, у ҳудудининг катталиги жиҳатдан Ўзбекистон Республикаси вилоятлари ўртасида биринчи ўринда туради. Республиканинг аҳолиси 1 миллион 700 минг кишидан зиёддир.

Республиканинг маъмурий-ҳудудий тузилмаси 14 та туман ва 1 та шаҳардан иборат. Булар Амударё, Беруний, Қораўзак, Кегейли, Қўнғирот, Қонликўл, Мўйноқ, Нукус, Тахтакўпир, Тўрткўл, Хўжайли, Чимбой, Шўманой, Элликқалъа туманлари ва Нукус шаҳри.

Қорақалпоғистон Ўзбекистон Республикаси таркибидаги парламент бошқарув шаклига эга бўлган суверен республикадир. Қорақалпоғистон ўз Конституцияси, байроғи, герби ва гимнига эга. Қорақалпоғистоннинг Конституцияси ва қонунлари Ўзбекистон Республикаси Конституцияси ва қонунларига мувофиқ ишлаб чиқилган. Республикада умумий раҳбарлик Жўқорғи Кенгес Раиси – Қорақалпоғистон Республикаси парламенти томонидан амалга оширилади.

Республиканинг олий ижроия ҳокимияти Қорақалпоғистон Республикаси Жўқорғи Кенгеси томонидан тасдиқланган Вазирлар Кенгаши ҳисобланади. Республика Вазирлар Кенгаши таркибига Кенгашининг Раиси, Раиснинг ўринбосарлари, вазирлар, давлат қўмиталари раислари, йирик концерн ва бирлашмалар раҳбарлари киради. Қорақалпоғистон Республикаси Вазирлар Кенгашининг Раиси ўз вазифасига кўра Ўзбекистон Республикаси Вазирлар Маҳкамасининг таркибига киради. Ўзбекистон Республикаси пойтахти Тошкент шаҳрида, Ўзбекистон Республикаси Вазирлар Маҳкамаси ҳузурида Қорақалпоғистон Республикасининг доимий ваколатхонаси фаолият кўрсатади.

 

Сўнгги янгиликлар RSS

15.11.2017 Қорақалпоғистон Республикаси Жўқорғи Кенгесининг навбатдан ташқари ўн саккизинчи сессияси тўғрисида ахборот

Жорий йил 15 ноябрь куни Нукусда Қорақалпоғистон Республикаси Жўқорғи Кенгесининг навбатдан ташқари ўн саккизинчи сессияси бўлиб ўтди.

Сессияда Ўзбекистон Республикаси Олий Мажлиси Сенати ва республика ҳукумати аъзолари, вазирлик ва идоралар, муассаса ҳамда корхоналар, ҳуқуқни муҳофаза қилиш органлари раҳбарлари, оммавий ахборот воситалари вакиллари иштирок этди. 

12.10.2017 БМТ МАХСУС ДЕЛЕГАЦИЯСИНИНГ ҚОРАҚАЛПОҒИСТОНГА ТАШРИФИ

Бирлашган Милатлар Ташкилоти Инсон ҳуқуқлари бўйича кенгашининг Дин ва эътиқод эркинликлари бўйича махсус маърузачиси Ахмед Шахид раҳбарлигидаги делегация республикамизга ташриф буюрди. Нукус аэропортида олий мартабали меҳмонни Қорақалпоғистон Республикаси Вазирлар Кенгаши Раиси Қ.Сариев ва пойтахт жамоатчилиги самимий кутиб олди.

Делегациянинг мақсади республикамизда инсон ҳуқуқлари, дин ва эътиқод эркинликларини таъминлаш борасида олиб борилаётган ишлар ва эришаётган натижалар билан танишишдан иборат.

Делегация аъзолари Қорақалпоғистон Республикаси Жўқорғи Кенгеси Раиси М.Ерниязовнинг қабулида бўлди. 

09.10.2017 ҚОРАҚАЛПОҒИСТОН РЕСПУБЛИКАСИ МАРКАЗИЙ САЙЛОВ КОМИССИЯСИ ҚАРОРИ ҚОРАҚАЛПОҒИСТОН РЕСПУБЛИКАСИ ЖЎҚОРҒИ КЕНГЕСИГА БЎШАГАН ЎРИНЛАРГА САЙЛАНГАН ДЕПУТАТЛАРНИ РЎЙХАТГА ОЛИШ ТЎҒРИСИДА

«Қорақалпоғистон Республикаси Жўқорғи Кенгесига сайлов тўғрисида»ги Қорақалпоғистон Республикаси Қонунининг 48-моддасига мувофиқ Қорақалпоғистон Республикаси Марказий сайлов комиссияси
ҚАРОР ҚИЛАДИ:

09.10.2017 Европа кинолари шаҳримиз кинотеатрларида

Яқинда пойтахтимизда Европа кинофестивали бўлиб ўтди. Шу муносабат билан Европа Иттифоқининг Ўзбекистондаги делегацияси раиси, элчи Эдуардс Стипрайс, “Ўзбеккино” Миллий агентлиги директори Фурқат Зокиров ва бошқалардан ташкил топган делегация аъзолари Нукусга келди.

05.10.2017 Туризм ярмаркасида 900 дан ортиқ шартнома тузилди

Жорий йилнинг 3-5 октябрь кунлари мамлакатимиз пойтахтида “Ипак йўлида туризм” 23-Тошкент  халқаро сайёҳлик ярмаркаси бўлиб ўтди.

19.09.2017 ЁШЛАР ПОЕЗДИ ҚОРАҚАЛПОҒИСТОНДА

Яқинда Ватанимиз мустақиллигининг 26 йиллик байрами муносабати билан ўз сафарини бошлаган “Ёшлар поезди” республикамизга келди.

Шу муносабат билан пойтахтимиздаги темир йўл вокзалида тарғиботчилар гуруҳини кутиб олиш маросими бўлиб ўтди.

16.09.2017 Янги спорт мажмуаси фойдаланишга топширилди

Яқинда пойтахтимизда янги спорт мажмуаси – Олимпия ва миллий спорт турлари бўйича ихтисослаштирилган олий спорт маҳорат мактаби фойдаланишга топширилди.

14.09.2017 Юксак бунёдкорлик ифодаси

Истиқлол йилларида мамлакатимизнинг барча ҳудудлари сингари Қорақалпоғистонда ҳам кенг кўламли бунёдкорлик ишлари амалга оширилди. Айниқса, бу борадаги ишлар Президентимизнинг республикамизга қилган ташрифидан сўнг янада юксак босқичга кўтарилди, десак муболаға бўлмайди. Мустақиллигимизнинг 26 йиллик байрами арафасида Нукус шаҳрида айнан Президентимизнинг ташрифи доирасида қурилишига асос солинган 3 та йирик объект фойдаланишга топширилди.

11.09.2017 ҚОРАҚАЛПОҒИСТОН РЕСПУБЛИКАСИ МАРКАЗИЙ САЙЛОВ КОМИССИЯСИНИНГ ҚАРОРИ

Бўшаган ўринларга Қорақалпоғистон Республикаси Жўқорғи Кенгеси депутатлари сайловини ўтказиш бўйича округ сайлов комиссияларини тузиш тўғрисида 

01.09.2017 Устюртда замонавий мактаб

Яқинда “Uz-Kor Gas Chemical” қўшма корхонасининг буюртмасига биноан, Қўнғирот тумани “Қирқ қиз” посёлкасида янги замонавий 384 ўқувчининг таълим олишига мўлжалланган мактаб фойдаланишга топширилган эди.