Қарақалпақстан Республикасы Жоқарғы Кеңеси

⌂ ЎЗ ҚР РУ EN

«ТАШКЕНТ» МИЙМАНХАНАСЫ МИЙМАНЛАР ХЫЗМЕТИНДЕ

Усы жыл 6-ноябрь күни пайтахтымыз Нөкис қаласында «Ташкент» мийманханасы пайдаланыўға тапсырылды.
Усы мүнәсибет пенен өткерилген илажда Қарақалпақстан Республикасы Жоқарғы Кеңесиниң комитет баслығы Д.Қурбаниязов, Нөкис қаласының ҳәкими П.Төрешов ҳәм басқалар шығып сөйлеп, жыйналғанларды жаңа имараттың пайдаланыўға тапсырылыўы менен қутлықлады.
Атап өтилгениндей, бир неше жылдан берли пайдаланылмай турған «Ташкент» мийманханасының имараты Өзбекстан Республикасы Президентиниң 2014-жыл 3-июльдеги «Мәмлекетлик мүлк объектлерин киши бизнес ҳәм жеке исбилерменлик субъектлерине сатыў бойынша қосымша илажлар ҳаққында»ғы қарарына муўапық тендер саўдасына қойылып, «KKRASI BETON» жеке меншик кәрханасы тәрепинен инвестиция миннетлери ҳәм жаңа жумыс орынларын жаратыў шәрти менен «ноль»лик баҳада сатып алынды. 
Инвестиция бағдарламасының дәслепки баҳасы  3 миллиард 200 миллион сум етип белгиленген болса, ҳақыйқатында инвестор өз қаржылары есабынан киргизилген инвестицияның муғдары 8 миллиард сумды қурады. Нәтийжеде премиум класс бөлмелерине ийе 63 орынлы үш жулдызлы «Ташкент» мийманханасы шөлкемлестирилип, өз жумысын баслады. Усының есабынан 30 жаңа жумыс орны жаратылды.
Илаж қатнасыўшылары бул жерде мийманлар ушын жаратылған шараятлар менен жақыннан танысты.

 

 

 

Басқа жаңалықлар RSS

10.10.2019 Хошхабар: Тақыятас районы пахта тапсырыў шəртнамасын орынлады

Тақыятаслы пидайы, мийнеткеш пахтакешлердиң аўызбиршиликте  еткен мийнетлериниң нəтийжесинде бул район мəмлекетимизге пахта тапсырыў бойынша шəртнамалық режесин биринши болып артығы менен, яғный, 100,6 пайызға орынлап, мийнет жеңисине еристи.