Қарақалпақстан Республикасы Жоқарғы Кеңеси

⌂ ЎЗ ҚР РУ EN

РЕСПУБЛИКАЛЫҚ БАСҚЫШТЫҢ ЖЕҢИМПАЗЛАРЫ АНЫҚЛАНДЫ

Нөкисте Өзбекстан Республикасы Президентиниң сыйлығы ушын дәстүрий «Ташаббус — 2018» таңлаўының Қарақалпақстан Республикасы басқышы болып өтти.
Қарақалпақстан Республикасы Министрлер Кеңеси, Өзбекстан Саўда-санаат палатасы Қарақалпақстан Республикасы басқармасы, Экономика минис­трлиги, Қарақалпақстан Республикасы Фермер, дийқан хожалықлары ҳәм қыйтақ жер ийе­лери кеңеси, «Өнермент» бирлеспесиниң Қарақалпақстан Республикасы басқармасы, Өзбекстан жаслар аўқамы Қарақалпақстан Республикалық кеңеси тәрепинен шөлкемлестирилген илажға қалалық ҳәм районлық басқышларда жеңимпаз бол­ған 79 фермер, өнермент ҳәм исбилермен қатнасты.
Нөкис қаласында өткерилген өнимлер көргизбесинде Қарақалпақстан Республикасы Жоқар­ғы Кеңеси Баслығының орынбасары А.Ҳамраев, Өзбекстан Саўда-санаат палатасы баслығының орынбасары Ж.Ураков, Өзбекстан Республикасы Олий Мажлиси жанындағы Нызамшылық машқалалары ҳәм парламент изертлеўлери институтының жуўаплы хызметкери Ш.Эгамбердиев шығып сөйлеп, илаж қатнасыўшыларын қызғын қутлықлады.

Атап өтилгениндей, аймақларды социаллық-экономикалық раўажландырыўда исбилерменлик субъектлерин кең қамтып алыў, исбилерменлик басламалардың ҳәм жойбарлардың өз ўақтында әмелге асырылыўына көмеклесиў, сондай-ақ, бос тур­ған объектлерден, жер участкаларынан және бас­қа да инфраструктуралардан нәтийжели пайдаланыўды тәмийинлеў мақсетинде Өзбекстан Республикасы Президентиниң усы жыл 11-сентябрь күни «Аймақларда исбилерменлик басламалары ҳәм жойбарларын жедел әмелге асырыўды шөлкем­лес­тириў илажлары ҳаққында»ғы қарары қабыл етилди. Усы қарар тийкарында исбилерменликти қоллап-қуўатлаў ҳәм раўажландырыў бо­йынша аймақлық комис­сиялар дүзилип, олардың тийкарғы ўазыйпалары белгилеп берилди.

Киши бизнес ҳәм жеке исбилерменликти қоллап-қуўатлаў, оларды хошаметлеп барыўда дәстүрий тәризде өткерилип кия­тыр­ған  «Ташаббус» таңлаўы айрықша әҳмийетке ийе болмақта. Бурынлары бул таңлаў «Ең жақсы фермер», «Ең жақсы өнермент», «Ең жақсы исбилермен» бағдарлары бо­йынша өткерилип келинген болса, быйылғы жылғы өзгешелиги, «Ең жақсы фермер», «Ең жақсы өнермент»,  санаат тараўындағы «Ең жақсы исбилермен», хызметлер көрсетиў тараўындағы «Ең жақсы исбилермен», «Ең жақсы жас исбилермен» бағдарлары бойынша өткерилмекте.

Бердақ атындағы Қарақалпақ мәмлекетлик академиялық музыкалы театрында таңлаў жеңимпазларын сыйлықлаў мәресими болып өтти.

Илажда «Ең жақсы фермер» бағдарында Қоңырат районынан «PORTAU TARTULI» фермер хожалығы, «Ең жақсы өнермент» бағдарында Шымбай районынан зергер Әдил Тәжимуратов, санаат тараўындағы «Ең жақсы исбилермен» бағдарында «Nukus Evro Stroy» жуўапкершилиги шекленген жәми­йети, хызметлер көрсетиў тараўындағы «Ең жақсы исбилермен» бағдарында «Muynak tour» жуўапкершилиги шекленген жәмийети, «Ең жақсы жас исбилермен» бағдарында Нөкис қаласынан «ORALBAY NUKUS» шаңарақлық кәрханасы биринши орынларды ийелеп, Ташкент қаласында болып өтетуғын жуўмақлаўшы бас­қышқа жоллама алды.

— Президентимиздиң 2017-жыл 28-февраль күнги «2017-2018-жылларда Қарақалпақстан Республикасының Мойнақ ра­йонын экономикалық раўажландырыў ҳәм халықтың бәнтлигин тәмийинлеў бойынша қосымша илажлар ҳаққында»ғы қарарынан кейин ра­йонға келиўши туристлердиң саны дерлик  3-4 есеге көбейди,-дейди таңлаў жеңимпазы, «Muynak tour» жуўапкершилиги шекленген жәмийетиниң баслығы Амина Бегжанова. — Район орайында, сондай-ақ, теңиз жағасында туристлер ушын қара үйлер тигилип, «Маяк» кафеси иске түсирилди. Соның менен бирге, оларға транспорт хызметин көрсетиў жолға қойылды. Бул бағдардағы бизиң азғана мийнетимизди жоқары баҳалағаны ушын миннетдаршылық билдиремиз...
Таңлаўда сондай-ақ, 15 қосымша номинация бо­йынша жеңимпазлар анықланып, шөлкемлестириўшилер тәрепинен диплом ҳәм баҳалы саўғалар менен сыйлықланды.
Илаж республикамыз көркем өнер шеберлериниң концерт бағдарламасы менен жуўмақланды.

 

 

Басқа жаңалықлар RSS

17.04.2019 ХАЛЫҚАРАЛЫҚ ПРЕСС-КЛУБ СЕССИЯСЫ ЖӘНЕ МОЙНАҚТА ӨТКЕРИЛДИ

Усы жыл 16-апрель күни Мойнақ районы «Мәдели» АПЖдағы «Шеге» аўылында «Ўзбекистон-24» телеканалы тәрепинен, тиккелей эфир арқалы берилетуғын «Халықаралық пресс-клуб»тың «Әжайыбат жүз бермейди, ол жаратылады» атамасындағы гезектеги сессиясы болып өтти.

11.04.2019 ҚАЙТҚАН ҒАЗДАЙ ҒАҢҚЫЛДАҒАН ҲАЎАЗЫҢ... ЯМАСА ЖЕРЛЕСЛЕРИМИЗ ТАҢЛАЎ ЖЕҢИМПАЗЛАРЫ

Хабарыңыз бар, усы күнлерде Сурхандәрья ўәлая­тының орайы Термиз қаласында Халықаралық бақсышылық көркем өнери фестивалы болып өтпекте. 

11.04.2019 ҚАЙТҚАН ҒАЗДАЙ ҒАҢҚЫЛДАҒАН ҲАЎАЗЫҢ... ЯМАСА ЖЕРЛЕСЛЕРИМИЗ ТАҢЛАЎ ЖЕҢИМПАЗЛАРЫ

Хабарыңыз бар, усы күнлерде Сурхандәрья ўәлая­тының орайы Термиз қаласында Халықаралық бақсышылық көркем өнери фестивалы болып өтпекте. 

09.04.2019 КОНСТИТУЦИЯ БАЙРАМЫНА БАҒЫШЛАНДЫ

Усы жыл 9-апрель күни Бердақ атындағы Қарақалпақ мәмлекетлик академиялық музыкалы театрында Қарақалпақстан Республикасы Конституциясы қабыл етилгениниң 26 жыллығына бағышланған салтанатлы мәжилис болып өтти.

05.04.2019 КИТАПҚУМАР ОҚЫЎШЫЛАРДЫҢ ҚАТАРЫ КӨБЕЙМЕКТЕ

Усы жыл 5-апрель күни Жаслар орайында Нөкис қаласындағы улыўма билим бериў мектеплериниң муғаллимлери ҳәм оқыўшылары арасында китапқумарлық мәдениятын үгит-нәсиятлаўға бағышланып өткерилген «Ең китапқумар мектеп» жойбарының жеңимпазларын сыйлықлаў мәресими болып өтти.