Қарақалпақстан Республикасы Жоқарғы Кеңеси

⌂ ЎЗ ҚР РУ EN

БЕЛГИЛИ МӘМЛЕКЕТЛИК ҒАЙРАТКЕРДИҢ ЮБИЛЕЙИНЕ БАҒЫШЛАНДЫ

Өткен екшемби күни Бердақ атындағы Қарақалпақ мәмлекетлик академиялық музыкалы театрында  «Дослық» ордениниң ийеси, Қарақалпақстан Республикасына мийнети сиңген ирригатор, техника илимлериниң кандидаты Тимур Камаловтың туўылғанының 80 жыллығына бағышланған «Мәмлекетлик ғайраткер, илимпаз ҳәм устаз» атамасында илимий конференция болып өтти.

Илаж қатнасыўшылары дәслеп Т.Камаловтың өмири ҳәм мийнет жолына бағышланған фото көргизбени, соң ҳүжжетли телефильмди тамаша етти.

Илимий конферен­цияны Қарақалпақстан Республикасы Жоқарғы Кеңеси Баслығының орынбасары А.Ҳамраев басқарып барды. 

Қарақалпақстан Республикасы Жоқарғы Кеңесиниң комитет баслығы Д.Қурбаниязов Т.Камаловтың 80 жыллығы мүнәсибети менен Қарақалпақстан Республикасы Жоқарғы Кеңеси ҳәм Министрлер Кеңесиниң қутлықлаўын оқып еситтирди.

Илажда илим докторы Е.Қурбанбаев мәмлекетлик ғайраткер, илимпаз ҳәм устаз Т.Камаловтың өмири ҳәм мийнет жолы бойынша баянат жасады.

Атап өтилгениндей, елимизде инсан қәдири ҳәр қандай нәрседен үстин қойылып, халық ушын исленген хызмет ҳәр тәреплеме улығланып келинген. Әсиресе, бүгинги күнде ҳүрметли Президентимиздиң басшылығында халқымыздың бахытлы ҳәм абадан турмысы, елимиздиң ҳәр тәреплеме раўажланыўына үлес қосқан инсан­ларға ҳүрмет көрсетиў, олардың мийнетлерин ылайықлы баҳалаў-мәмлекетлик сия­сат дәрежесине көтерилди.

Усындай инсанлардан бири Қарақалпақстан Республикасына мийнети сиңген ирригатор, техника илимлериниң кандидаты Тимур Камалов болды. Пүткил өмирин республикамызды социаллық-экономикалық жақтан раўажландырыўға, соның ишинде аўыл ҳәм суў хожалығындағы маш­қалаларды шешиўге, оннан алынатуғын өнимдарлықты арттырыўға, ҳәр бир тараўға жетик қәнигелер таярлаўға жумсады. Қайсы лаўазымда ислемесин, өзиниң пидайылығы, шөлкемлестириўшилик уқыбы, ҳүрмет-иззети, жасларға болған ғамқорлығы менен көзге түсти. 

Илажда Өзбекстан Республикасы суў хожалығы министри Ш.Ҳамраев, мийнет ветеранлары Ә.Тәжиев, Ү.Әширбеков, Ж.Алламуратов, «Нураный» қорының Қарақалпақстан бөлими баслығы Ш.Уснатдинов, «Қарақалпақ әдебияты» газетасының бас редакторы, Өзбекстан Республикасы Олий Мажлиси Сенатының ағзасы Г.Анна­қлычева, шәкиртлериниң атынан А.Ибрагимов шығып сөйлеп, Т.Камаловтың ел-халқымыздың ийгилиги ушын ислеген пидакерлик мийнетлери, оның адамгершилик пазыйлетлери ҳәм устазлық жолына тоқтап өтти.

Илаж соңында мийнет ветераны Қ.Камалов илимий конференцияны шөлкемлестириўшилерге миннетдаршылық билдирди.

Конфереция республикамыз көркем-өнер шеберлериниң концерт бағдарламасы менен жуўмақланды

 

Басқа жаңалықлар RSS

10.09.2018 САХНАДА — ТОҒЫЗ ТОҢҚЫЛДАҚ...

«Той десе қуў бас жумалайды» дегениндей Ғәрезсизлик байрамы қарсаңында таза имараты пайдаланыўға тапсырылған пайтахтымыздағы Қарақалпақ мәмлекетлик жас тамашагөйлер театры әтирапы байрам түсине енип, әтирапына көркем өнер, ша¬йдалары, жаслар, қулласы усы тараўға қызығыўшы ықласбентлер менен толысты.

10.09.2018 АРХЕОЛОГ ИЛИМПАЗДЫҢ ЮБИЛЕЙИНЕ БАҒЫШЛАНДЫ

Жаслар орайында Өзбекстан Республикасы Илимлер Академиясы Қарақалпақстан бөлиминиң Қарақалпақ гуманитар илимлер илим-изертлеў институты археология бөлиминиң баслығы Өзбекстан Қаҳарманы Ғайратдин Хожаниязовтың туўылғанының 70 жыллығына бағышланған кеше болып өтти.

08.09.2018 УЛЛЫ БАБАМЫЗҒА ТЕРЕҢ ҲҮРМЕТ

Өткен жума күни таң сәҳәринде қуслардың сайраған ҳаўазы Беруний районы халқын ертерек оятты. Ҳәттеки, тереклер, гүллер де ерте оянғанға мегзейди.
Сақый қуяш бизди Беруний журтында жыллы нурлары менен күтип алды. Кең азада көшелерди толтырған халайық Беруний бабамыздың руўхын таўап етиўге асықты.

05.09.2018 ПУҚАРАЛЫҚ ЖӘМИЙЕТИНИҢ ҲУҚЫҚЫЙ ТИЙКАРЫ

Бердақ атындағы Қарақалпақ мәмлекетлик университетинде «Инсан ҳуқықлары Пүткил жәҳән декларациясы ҳәм инсан ҳуқықлары тараўында билим алыў ҳуқықы» темасында ушырасыў болып өтти.

31.08.2018 АЙМАҚ БАЛАЛАРЫНА БАЙРАМ САЎҒАСЫ

Жаңа оқыў жылының дәслепки күни пайтахтымыздағы «Жаңа базар» мәкан пуқаралар жыйыны аймағындағы 45-санлы улыўма билим бериў мектебиниң жаңа имараты пайдаланыўға тапсырылды.

30.08.2018 МИЙНЕТЛЕРИ МҮНӘСИП БАҲАЛАНЫП, ХОШАМЕТЛЕНДИ

Ең уллы байрамымыз-Өзбекстан Республикасы мәмлекетлик ғәрезсизлигиниң  27 жыллық байрамы жақынласқан сайын кеўлимизди шексиз қуўаныш сезимлери бийлемекте. Халқымыздың уллы пазыйлетлеринен бири-байрамларды мийнетте мол табыслар ҳәм республикамыздың жәмийетлик-сиясий турмысында әҳмийетли орын ийелейтуғын ўақыялар менен күтип алыў әдети ғәрезсизлик байрамы алдында да нәтийжели даўам етпекте.

30.08.2018 ПАЙТАХТЫМЫЗДА ЖАҢА ТУРАҚ ЖАЙЛАР ПАЙДАЛАНЫЎҒА БЕРИЛДИ

Усы жыл 31-август күни кең жәмийетшилик ўәкиллериниң қатнасында бул имаратлардың пайдаланыўға тапсырылыўына арналған салтанатлы мәресим өткерилди.

Усы жерде атап өтиўимиз тийис, бул квартиралардың алтаўының социаллық жақтан қорғаўға мүтәж, кем тәмийинленген, бағыўшысын жоғалтқан ямаса майыплығы бар шахсларға басланғыш төлеми қәўендерлер тәрепинен төленип берилгени болды.