Қарақалпақстан Республикасы Жоқарғы Кеңеси

⌂ ЎЗ ҚР РУ EN

ҲАЙЫТ НАМАЗЛАРЫ ОҚЫЛДЫ

15-июнь күни Мүбәрек Рамазан ҳайты мүнәсибети менен республикамыздағы барлық 50 жомъе мешитинде ҳайыт намазлары оқылып, оларға 15 мыңнан аслам журтласымыз қатнас­ты.

Усы мүнәсибет пенен пайтахтымыздағы Имам Ийшан Муҳаммед жомъе мешитинде өткерилген илажда Қарақалпақстан Республикасы Жоқарғы Кеңесиниң комитет баслығы Д.Қурбаниязов, Қарақалпақстан Мусылманлар қазыяты қазысы Ш.Баўатдинов жыйналғанларды мүбәрек Рамазан ҳайыты байрамы менен қутлықлады.

Атап өтилгениндей, ҳүрметли Президентимиздиң Мүбәрек Рамазан айын мүнәсип тәризде өткериў ҳәм Рамазан ҳайтын белгилеў ҳаққындағы қарарлары тийкарында республикамызда кең көлемли илажлар әмелге асырылды. Бул қарарлар қайыр-сақаўат ҳәм мийрим-шәпәәттиң тымсалы болған мүбәрек Рамазан айының турмысымыздағы тутатуғын орнын ҳәм әҳмийетин беккемлеўге, муқаддес динимиздиң инсан тәрбиясындағы ролин улығлаўға, оның тынышлық, кеңпейиллик, шүкиршилик сыяқлы идеяларын үгит-нәсиятлаўға хызмет етеди. Соның менен бирге, диний қәдириятларымызды қәстерлеп сақлаўға, жасларымызды жоқары инсаныйлық пазыйлетлерин қәлиплестириў сыяқлы ийги­ликли мақсетлерди өзинде жәмлейди. Рамазан айында кем тәмийинленген, жәр­демге мүтәж, майыплығы болған шахсларға, «Меҳрибанлық үйи», Балалар үйи, Мириўбет үйлерине, арнаўлы мектеп-интернатларға  материаллық жәрдем көрсетилди.

Өзбекстан Республикасы Президентиниң 2017-жыл 28-декабрьдеги «2018-жылы рәсмий сәнелерди белгилеў дәўиринде қосымша исленбейтуғын күнлерди белгилеў ҳәм дем алыс күнлерин көшириў ҳаққында» ғы 5290-санлы Пәрманына муўапық 15-17-июнь — Рамазан ҳайтының биринши үш күниниң байрам сыпатында белгилениўи муқаддес динимиз, миллий қәдириятларымызға болған айрықша итибардың әмелдеги көриниси болды. Байрам мүнәсибети менен Президентимиздиң мийрим-шәпәәт, жақсылық ҳәм сақыйлық әййямы — Мүбәрек Рамазан ҳайыты менен қутлықлаўы ҳәр бир журтласларымызға қуўаныш бағышламақта. 

— Байрамды көтериңки рухта өткериў бойынша жәмийетлик шөлкемлер тәрепинен илажлар ислеп шығылды,-дейди пуқа­ралардың өзин-өзи басқарыў уйымлары жумысларын муўапықластырыў бойынша Қарақалпақстан Республикасы Кеңеси баслығының биринши орынбасары Тәжибай Романов. — Республикамыздағы барлық өзин-өзи басқарыў уйымларында айрықша байрам сыпатында белгиленбекте.

Ҳайыт намазынан шыққан журтласларымыз бир-бирин байрам менен қутлықлады. Елимизге тынышлық, халқымызға мол ырыс­қы-несийбе, дийқанларымызға бәлент қырман тиледи.

 

Басқа жаңалықлар RSS

11.07.2018 КЕМШИЛИКЛЕР СЫНҒА АЛЫНЫП, ЎАЗЫЙПАЛАР БЕЛГИЛЕНДИ

Усы жыл 11-июль күни Қарақалпақстан Республикасы Жоқарғы Кеңесинде Инвестиция бағдарламасына кирген объект­лерде қурылыс, реконструкция ҳәм капитал оңлаў жумысларының барысы, 4 сектор басшылары тәрепинен сырт ел инвес­тицияларын тартыўға қаратылған илажлардың социаллық-экономикалық раўажландырыўға кирген жойбарлардың әмелге асырылыўы ҳаққындағы мәселелерге бағышланған мәжилис болып өтти.

11.07.2018 ЖАСЛАР ИСКЕРЛИГИ, ЖАҢА ИДЕЯЛАР ҲӘМ ЖОЙБАРЛАР ҚОЛЛАП-ҚУЎАТЛАНДЫ

Усы жылдың 27-июнь күни Өзбекстан Республикасы Президентиниң «Жаслар — келешегимиз» Мәмлекетлик бағдарламасы ҳаққында»ғы Пәрманы қабыл етилди. Усы Пәрманның орынланыўын тәмийинлеў бойынша, жаслар арасында ушырасып атырған машқалаларды үйрениў мақсетинде республикамыз бойынша исши топар дүзилди.

10.07.2018 «НӨКИС ХАЛЫҚАРАЛЫҚ АЭРОПОРТЫ» ЖАҢАРМАҚТА

Ғәрезсизлигимиздиң дәслепки күнлеринен-ақ елимизде барлық тараўлар сыяқлы авиация саласы да тез пәт пенен раўажлана баслады.
1992-жылы 28-январьда қайта шөлкемлестирилген «Өзбекстан ҳаўа жоллары» миллий авиакомпаниясы Халықаралық Пуқаралық авиация (ИКАО) шөлкеминиң тең ҳуқықлы ағзасы болып, халықаралық авиатасыўлар базарында мүнәсип орын ийелеўге ерис­ти. Елимиздеги барлық аэропортлар қайта реконструкцияланып, заманагөй ҳаўа лайнерлери менен тәмийинленди ҳәм бул илажлар бүгинги күнде де даўам етпекте.

30.06.2018 КЕЛЕШЕК ҚУРЫЎШЫЛАРЫНЫҢ ЕСТЕ ҚАЛАРЛЫҚ БАЙРАМЫ

2017-жылдың 30-июнь сәнеси елимиз жасларының турмысында ең умытылмас күнлердиң бири болып қалады.

Усы күни Ташкенттеги Симпозиумлар сарайында болып өткен Өзбекстан «Камалат» жаслар жәмийетлик ҳәрекетиниң IV қуралтайында  Өзбекстан Республикасы Президенти Шавкат Мирзиёевтиң тиккелей басламасы менен «Жаслар — келешек  қурыўшылары» сүрени астында профессионал жумыс­ты әмелге асыратуғын Өзбекстан Жаслар аўқамы шөлкемлестирилди. Аўқам шөлкемлестирилген күн — 30-июнь сәнеси елимизде «Жаслар күни» сыпатында белгиленетуғын болды.

27.06.2018 Баспасөз ҳәм ғалаба хабар қураллары хызметкерлери күнине байланыслы Қарақалпақстан Республикасы Жоқарғы Кеңеси менен Министрлер Кеңесиниң байрам қутлықлаўы

Әзиз дослар!
Бәршеңизди бүгинги кәсиплик барамыңыз, 27-июнь — Баспасөз ҳәм ғалаба хабар қураллары хызметкерлери күни менен Қарақалпақстан Республикасы Жоқарғы Кеңеси ҳәмде Министрлер Кеңеси атынан қызғын қутлықлаймыз.

21.06.2018 ШАЙЫР ДӨРЕТИЎШИЛИГИНЕ БАҒЫШЛАНДЫ

Бердақ атындағы Қарақалпақ мәмлекетлик академиялық музыкалы театрында  Өзбекстанға хызмет көрсеткен мәденият хызметкери, Қарақалпақстан халық шайыры Гүлистан Матякубованың дөретиўшилигине бағышланған «Сөз ҳәм саз сыйқыры» темасында әдебий әнжуман болып өтти.