Қарақалпақстан Республикасы Жоқарғы Кеңеси

⌂ ЎЗ ҚР РУ EN

БЮДЖЕТКЕ ҚОСЫМША ДӘРАМАТ ТҮСИРИЎ ҲӘМ БАҲАЛАРДЫҢ ТУРАҚЛЫЛЫҒЫН ТӘМИЙИНЛЕЎ МӘСЕЛЕЛЕРИ ДОДАЛАНДЫ

Қарақалпақстан Республикасы Жоқарғы Кеңесинде бюджетке қосымша дәрамат түсириў дәреклерин анықлаў, оны түсириў ҳәм инфляцияның алдын алыўға бағышланған мәжилис болып өтти.

Илажға Өзбекстан Республикасы Олий Мажлиси Сенатының ағзалары, Қарақалпақстан Республикасы Жоқарғы Кеңеси, халық депутатлары районлық, (қалалық) Кеңеслериниң депутатлары, министрликлер ҳәм ведомстволардың басшылары, қала ҳәм район ҳәкимлери, ғалаба хабар қуралларының ўәкиллери қатнасты.

Мәжилисти Қарақалпақстан Республикасы Жоқарғы Кеңесиниң Баслығы М.Ерниязов бас­қарып барды.

Илажда Есап-санақ палатасы баслығының биринши орынбасары О.Рустамов шығып сөйлеп, Қарақалпақстан Республикасында бул бағдарда әмелге асырылып атырған жумыслар, жол қойылып атырған айырым кемшиликлер ҳәм алда турған әҳмийетли ўазыйпаларға тоқтап өтти.

Атап өтилгениндей, Өзбекстан Республикасы Президенти Шавкат Мирзиёевтиң басшылығында усы жыл 29-май ҳәм 5-июнь күнлери экспорт-импорт, аймақларда жергиликли бюджетке қосымша түсимлерди тәми­йинлеў ҳәм өним ислеп шығарыў көлемин көбейтиў арқалы баҳалардың турақлылығын тәмийинлеў ҳәм инфляцияның алдын алыўда жергиликли атқарыў ҳәкимияты уйымлары, салық ҳәм қаржы мәкемелери басшыларының жеке жуўапкершилигин арт­тырыў мәселелерине бағышланған видеоселектор мәжилислеринде  бул бойынша анық тапсырмаларды белгилеп берди. Бунда Өзбекстан Республикасы Президентиниң 2017-жыл 7-июньде қабыл етилген «Жергиликли бюджетлерди қәлиплестириўде орынлардағы мәмлекетлик ҳәкимият уйымларының ўәкилликлерин кеңейтиў илажлары ҳаққында»ғы Пәрманы аймақларды комплексли раўажландырыў бағдарламаларын турақлы қаржыландырыў ҳәм сол тийкарда халықтың реал дәраматларын, турмыс дәрежесин ҳәм сапасын арттырыў имканиятын бермекте.

Бюджетке қосымша дәрамат түсириў дәреклерин анықлаў, оны өндириў бойынша  штаб қурамы тастыйықланып, 7 бағдар бойынша қалалық ҳәм ра­йонлық жумысшы топарлар дүзилди. Видеоселектор мәжилисинде республикамызда быйыл­ғы жылы  бюджетке жәми 689 миллиард сум қосымша дәрамат түсириў белгиленген болса, бүгинги күнге бюджетке жәми 1 триллион 19 миллиард сумлық түсим, соннан биринши ярым жыллыққа  белгиленген бюджет прогнозына қосымша 218 миллиард сумлық түсим түсириўге ерисилди. Әлбетте, бюджетке қосымша түсимлерди көбейтиў ҳәм инфляцияның алдын алыў экономикамыздың буннан да беккемлениўине, халқымыздың турмысының абаданлығын тәмийинлеўге хызмет етеди.

Күн тәртибиндеги мәселе бо­йынша  Қарақалпақстан Республикасы Министрлер Кеңесиниң Баслығы Қ.Сариев, Өзбекстан Республикасы Экономика минис­трлигиниң басқарма баслығы Н.Ерлепесов, Өзбекстан Республикасы Олий Мажлиси Сенатының ағзасы Г.Аннақлычева, Өзбекстан Илимлер Академиясы Қарақалпақстан бөлиминиң баслығы, академик Н.Айым­бетов, Қарақалпақстан Республикасы Жоқарғы Кеңесиниң депутаты А.Маткаримова, Беруний районының ҳәкими     А.Сапарбаевлар шығып сөйлеп, өзлериниң пикир-усынысларын билдирди.

Мәжилисте бюджетке қосымша дәрамат түсириў дәреклерин анықлаў, оны түсириў ҳәм инфляцияның алдын алыў бойынша әҳмийетли ўазыйпалар белгиленди.

 

Басқа жаңалықлар RSS

10.09.2018 САХНАДА — ТОҒЫЗ ТОҢҚЫЛДАҚ...

«Той десе қуў бас жумалайды» дегениндей Ғәрезсизлик байрамы қарсаңында таза имараты пайдаланыўға тапсырылған пайтахтымыздағы Қарақалпақ мәмлекетлик жас тамашагөйлер театры әтирапы байрам түсине енип, әтирапына көркем өнер, ша¬йдалары, жаслар, қулласы усы тараўға қызығыўшы ықласбентлер менен толысты.

10.09.2018 АРХЕОЛОГ ИЛИМПАЗДЫҢ ЮБИЛЕЙИНЕ БАҒЫШЛАНДЫ

Жаслар орайында Өзбекстан Республикасы Илимлер Академиясы Қарақалпақстан бөлиминиң Қарақалпақ гуманитар илимлер илим-изертлеў институты археология бөлиминиң баслығы Өзбекстан Қаҳарманы Ғайратдин Хожаниязовтың туўылғанының 70 жыллығына бағышланған кеше болып өтти.

08.09.2018 УЛЛЫ БАБАМЫЗҒА ТЕРЕҢ ҲҮРМЕТ

Өткен жума күни таң сәҳәринде қуслардың сайраған ҳаўазы Беруний районы халқын ертерек оятты. Ҳәттеки, тереклер, гүллер де ерте оянғанға мегзейди.
Сақый қуяш бизди Беруний журтында жыллы нурлары менен күтип алды. Кең азада көшелерди толтырған халайық Беруний бабамыздың руўхын таўап етиўге асықты.

05.09.2018 ПУҚАРАЛЫҚ ЖӘМИЙЕТИНИҢ ҲУҚЫҚЫЙ ТИЙКАРЫ

Бердақ атындағы Қарақалпақ мәмлекетлик университетинде «Инсан ҳуқықлары Пүткил жәҳән декларациясы ҳәм инсан ҳуқықлары тараўында билим алыў ҳуқықы» темасында ушырасыў болып өтти.

31.08.2018 АЙМАҚ БАЛАЛАРЫНА БАЙРАМ САЎҒАСЫ

Жаңа оқыў жылының дәслепки күни пайтахтымыздағы «Жаңа базар» мәкан пуқаралар жыйыны аймағындағы 45-санлы улыўма билим бериў мектебиниң жаңа имараты пайдаланыўға тапсырылды.

30.08.2018 МИЙНЕТЛЕРИ МҮНӘСИП БАҲАЛАНЫП, ХОШАМЕТЛЕНДИ

Ең уллы байрамымыз-Өзбекстан Республикасы мәмлекетлик ғәрезсизлигиниң  27 жыллық байрамы жақынласқан сайын кеўлимизди шексиз қуўаныш сезимлери бийлемекте. Халқымыздың уллы пазыйлетлеринен бири-байрамларды мийнетте мол табыслар ҳәм республикамыздың жәмийетлик-сиясий турмысында әҳмийетли орын ийелейтуғын ўақыялар менен күтип алыў әдети ғәрезсизлик байрамы алдында да нәтийжели даўам етпекте.

30.08.2018 ПАЙТАХТЫМЫЗДА ЖАҢА ТУРАҚ ЖАЙЛАР ПАЙДАЛАНЫЎҒА БЕРИЛДИ

Усы жыл 31-август күни кең жәмийетшилик ўәкиллериниң қатнасында бул имаратлардың пайдаланыўға тапсырылыўына арналған салтанатлы мәресим өткерилди.

Усы жерде атап өтиўимиз тийис, бул квартиралардың алтаўының социаллық жақтан қорғаўға мүтәж, кем тәмийинленген, бағыўшысын жоғалтқан ямаса майыплығы бар шахсларға басланғыш төлеми қәўендерлер тәрепинен төленип берилгени болды.