Қарақалпақстан Республикасы Жоқарғы Кеңеси

⌂ ЎЗ ҚР РУ EN

СУЎДАН ПАЙДАЛАНЫЎДА ЫСЫРАПГЕРШИЛИККЕ ЖОЛ ҚОЙМАЙЫҚ

Өзбекстан Республикасы Президенти Ш.М.Мирзиёевтиң басшылығында 2018-жыл 29-май күни өткерилген видеоселектор мәжилисинде белгилеп берилген тапсырмалар, соның ишинде, суў ресурсларынан нәтийжели пайдаланыў, пахта ҳәм бийдай егинлеринен жоқары зүрәәт алыў, халықтың азық-аўқат қәўипсизлигин тәмийинлеў бағдарында алып барылып атырған илажларда 4 сектор басшыларының жуўапкершилигин арттырыў, аўыл хожалығы егинлерин, соның ишинде ғаўаша майданларын өз ўақтында суўғарыўды шөлкемлестириў, бийдайдан босаған майданларға суў аз талап ететуғын егинлерди егиў, суў ресурсларынан мақсетли пайдаланыў мәселелери додаланып, ўазыйпалар белгиленди. Бул бағдардағы нызамшылық ҳүжжетлери, бағдарламалар ҳәм тийисли илажлардың орынланыўын тәми­йинлеўдеги нызам бузыўшылықлар ушын жуўапкершилик шараларын көриў қатаң ескертилди.

Мине усы белгилеп берилген ўазыйпалардың орынланыўы бойынша болып өткен Қарақалпақстан Республикасы Жоқарғы Кеңесиниң гезексиз жигирма биринши сессиясында елимиздиң экономикасын турақлы раўажландырыў, соның ишинде аўыл хожалығы тараўында кешиктирип болмайтуғын мәселелер,  суўдан мақсетли пайдаланыўды қатаң қадағалаўға алыў, суўды үнемлейтуғын заманагөй технологияларды енгизиў мәселелери көрип шығылған еди. Болып өткен видеоселектор мәжилисинде суўдың жетиспеўшилиги күтилип атырған быйылғы жылдың шараятында ғәлледен босаған майданларға егилетуғын тәкирарый егин майданларының көлемин 10 мың гектарға қысқартыў, олардың орнына суўды аз талап ететуғын мәш, лобыя ҳәм басқа да азықлық егинлерди егиў, «”аўашадан кепилленген зүрәәт топлаў» бир айлығын жәриялаў белгилеп алынды.

Быйылғы жылы жерлердиң мелиоративлик жағдайын жақсылаўға жәми 81 миллиард 53 миллион сум қаржы ажыратылмақта. Усы тийкарда қабыл етилген бағдарлама тийкарында коллекторларда қурылыс ҳәм реконструкция жумыслары ушын 22 миллиард 192 миллион сум, тиклеў және оңлаў жумысларын алып барыў ушын 26 миллиард 635 миллион сум, каналларда қурылыс ҳәм реконструкция жумысларына 32 миллиард 226 миллион сум қаржы ажыратылмақта.

Өзбекстан Республикасы Президентиниң усы жыл 17-апрельдеги «Аўыл ҳәм суў хожалығы тараўында мәмлекетлик басқарыў системасын түп-тийкарынан жетилистириў илажлары ҳаққында»ғы Пәрманы тийкарында суў хожалығының өз алдына минис­трлик болып шөлкемлестирилиўи, тараўдың ҳақыйқый жағдайын және раўажланыў перспективаларын терең үйрениў, оларды стратегиялық раўажландырыў сиясаты бойынша тәсиршең жумысларды жолға қойыў, басқарыў системасын түп-тийкарынан жетилис­тириў ўазыйпасын белгилеп берди.

Сессияда шығып сөйлеўшилер аўыл хожалығы егинлерин, соның ишинде ғаўаша майданларын суўғарыўды шөлкемлестириў, ғәлледен босаған майданларға суўды аз талап ететуғын егинлерди егиў, суўдан үнем­ли пайдаланыў бойынша әмелге асырылатуғын илажларға тоқтап өтти.

Бул әҳмийетли мәселе халық депутатлары районлық Кеңеслериниң гезексиз сессияларының күн тәртибинде көрип шығылып, оларда аўыл хожалығында суўдан үнемли пайдаланыў, суў тамтарыслығы ақыбетлерин жумсартыў бойынша комплексли илажлар бағдарламасы белгилеп алынып, «жол картасы» ислеп шығылды. Егинлерди суўғарыў дәўиринде суў ресурсларынан нәтийжели пайдаланыў мақсетинде 134 орында суўғарыў штабы, олардың қурамында 197 суўғарыў отряды дүзилди. Оларға фермер хожалықларынан 17134 суўшы, суў хожалығының 1554 қәнигеси, суўдан пайдаланыўшылар бирлеспесиниң 171 хызметкери бириктирилди. Быйылғы жылда фермер хожалықлары тәрепинен бийдай ҳәм пахта жетистириў бойынша дүзилген контрактация шәртнамаларында нәзерде тутылған көлемлерде өним жеткерип берилиўин тәмийинлеў, фермер хожалықлары жумысларына ҳәр тәреплеме қолайлы шараятлар жаратып бериў менен бир қатарда, олардың жуўапкершилигин буннан былай да арттырыў илажлары көрилмекте. Бийдай орым-жыйымы мапазын сапалы етип өткериў ҳәм оны қысқа мүддетлерде жуўмақлаў ушын талап етилетуғын материаллық ресурслардың өз ўақтында үзликсиз жеткерилиўин, дән қабыллаў кәрханаларында өртке қарсы профилактикалық илажлардың алып барылыўын тәмийинлеў, сондай-ақ, фермер хожалықлары тәрепинен аўыл хожалық техникаларынан нәтийжели пайдаланыў бойынша турақлы мониторинг жумысларын алып барыў тапсырылды.

Барлық районларда депутатлық ҳәм жәмийетлик қадағалаў жумысшы топарлары дүзилип,  Өзбекстан Республикасы Олий Мажлиси Нызамшылық палатасының депутатлары ҳәм Сенат ағзалары, Қарақалпақстан Республикасы Жоқарғы Кеңесиниң депутатлары халық арасында суўдан нәтийжели пайдаланыўдың әҳмийети, суў тамтарыслығы ақыбетлерин жақсылаў бо­йынша илажларды талап дәрежесинде шөлкемлестириў, басқа да машқалалы мәселелер бойынша халық пенен пикирлесиў тийкарында үгит-нәсият жумысларын алып бармақта. Депутатлық ҳәм жәмийетлик қадағалаў жумысшы топары ағзалары, районлық Кеңес депутатлары суўғарылатуғын майданлардың ҳәр бир контурына жуўапкер етип бириктирилип,  өзине бириктирилген орынларда әмелге асырылған жумыслардың нәтийжелери ҳаққындағы анық талланған ҳәм статистикалық мағлыўматларды ҳәр күни республикалық штабқа жеткерип бермекте.

Аўыл хожалығы егинлерин суўғарыў жумысларын шөлкемлестириў ҳәм суўды үнемлеўши технологияларды енгизиў бойынша барлық районларда семинар-кеңеслер шөлкемлестирилип,  Президентимиз тәрепинен селектор мәжилисинде белгиленген ўазыйпалардың орынланыўын тәмийинлеў, суў ресурсларынан мақсетли пайдаланыўдың барлық илажлары көрилмекте.

 

Басқа жаңалықлар RSS

02.08.2018 ЖЫНАЯТШЫЛЫҚҚА ҚАРСЫ ГҮРЕСИЎДЕ БИРГЕ ИСЛЕСИЎДИ КҮШЕЙТИЎИМИЗ ТИЙИС

Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Президенти Шавкат Мирзиёевтиң басшылығында усы жыл 27-июль күни жынаятшылықтың ерте алдын алыў бағдарындағы жумыслардың бүгинги жағдайы, бул бойынша ишки ислер уйымлары ҳәм басқа да мәмлекетлик уйымлардың жуўапкершилигин арттырыў, системада жүзеге келген машқалалар менен кемшиликлерди сапластырыў мәселелерине бағышланып болып өткен  видеоселектор мәжилисинен келип шығатуғын ўазыйпаларға арналған ушырасыў болып өтти.
 

02.08.2018 ИНВЕСТИЦИЯЛЫҚ ЖОЙБАРЛАРДЫҢ ОРЫНЛАНЫЎ БАРЫСЫ ДОДАЛАНДЫ

Қарақалпақстан Республикасы Жоқарғы Кеңесинде республикамыз делегациясының сырт еллерге сапары даўамында дүзилген инвестициялық жойбарлардың ҳәм басқа да шәртнамалардың орынланыў барысы, бул бағдарда орын алып атырған айырым машқалалар және оның шешими бойынша алда турған ўазыйпаларға бағышланған мәжилис болып өтти.

24.07.2018 АРАЛ УЛТАНЫНДА ЖӘНЕ БИР ГАЗ ҚУДЫҒЫНАН ГАЗ ШЫҚТЫ

Бурын хабар еткенимиздей, «Үстирт геофизика экспедициясы» филиалы жәмәәти бүгинги күнде Үстирт кеңислиги ҳәм Аралбойы аймақларында ҳәм оның ултанында шет ел («Лукойл», “ERIEL”) компаниялары менен биргеликте тәбийғый жер асты байлықларын излеў ҳәм изертлеў жумысларын алып бармақта. Январь айында, олар тәрепинен төменги Сүргил кәни ашылып, оны өзлестириў бойынша жумыслар баслап жиберилген еди. Үстирт излеў-бураўлаў басқармасы менен биргеликте алып барылған жумыслар нәтийжесинде күни кеше бул жерде қазылған тағы бир қудықтан газ шыға баслады.

22.07.2018 КУБОК ЖЕҢИМПАЗЛАРЫ АНЫҚЛАНДЫ

Пайтахтымыз Нөкис қаласында спорттың мини футбол, волейбол ҳәм стол тенниси бойынша Қарақалпақстан Республикасы Жоқарғы Кеңесиниң кубогы ушын болып өткен жарыс жуўмақланып, жеңимпазлар анықланды.

20.07.2018 КӨШПЕЛИ ҚАБЫЛЛАЎЛАР

Өзбекстан Республикасы Президентиниң тапсырмасына бола, бүгинги күнде республикамыздың барлық қала ҳәм районларында көшпели қабыллаўханалар шөлкемлестириў режелестирилген. Қарақалпақстан Республикасы Жоқарғы Кеңесиниң Баслығы Муўса Ерниязов республикамыздың ең шетки аймақларынан бири болған — Қоңырат районының «Қарақалпақстан» посёлкасы турғынлары менен ушырасты.

17.07.2018 ПАЙТАХТЫМЫЗДА 55 МЕТР БИЙИКЛИКТЕГИ БАЙРАҚЛАР ОРНАТЫЛАДЫ

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады.

16.07.2018 СПОРТ ОЙЫНЛАРЫНА СТАРТ БЕРИЛДИ

Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде жарыстың ашылыў салтанаты болып өтти. Илажда  Қарақалпақстан Республикасы Жоқарғы Кеңесиниң комитет баслығы С.Турманов шығып сөйлеп, жарыс қатнасыўшыларына әўмет тиледи.