Қарақалпақстан Республикасы Жоқарғы Кеңеси

⌂ ЎЗ ҚР РУ EN

ПАЙТАХТЫМЫЗДА БАЛАЛАР ФУТБОЛЫ ФЕСТИВАЛЫ

Республикамызда халықаралық балаларды қорғаў күни мүнәсибети менен Өзбекстан миллий олимпия комитети, Өзбекстан футбол ассоциациясы тәрепинен шөлкемлестирилген балалар футболы фестивалы болып өтти.

Еки күн даўам еткен илажда Өзбекстан миллий олимпия комитетиниң Президенти  Умид Аҳмаджанов, Өзбекстан олимпия сайланды командасының бас тренери Равшан Хайдаров, Өзбекстан U-16 сайланды командасының бас тренери Азамат Абдураимов, Өзбекстан миллий сайланды командасының ағзалары  Элдар Шамуратов, Атабек Шукуров, Жамшид Искендеров, Дәстанбек Хамдамов, футбол төрешиси Шерзод Касимовлар Хожелидеги 1-санлы «Меҳрибанлық    үйи»нде, пайтахтымыздағы бир қатар мектепке шекемги билимлендириў мәкемелеринде болды. Байрам мүнәсибети менен тәрбияланыўшыларға Президентимиздиң саўғалары тапсырылып,  футболшылар мастер класс шынығыўларын өткерди.

— Қарақалпақстанға биринши мәрте келиўим, солай да болса оның футболы туўралы көп еситкенмен,-дейди Россияның «Ростов» ҳәм Өзбекстан миллий сайланды командаларының ҳүжимшиси Элдар Шамуратов. — Бул үлкеден шебер футболшылар жетилисип шыққан ҳәм ўақтында олар­ға ҳәўес еткенбиз. Фестивальда қатнасып, футболға қызығатуғын, келешегинен үмит күттиретуғын жаслардың көп екенлигиниң гүўасы болдық. Келешекте олардың арасынан елимиз сайланды командасының ағзалары жетилисип шығады, деген үмиттемен...

Тийкарғы байрам илажы пайтахтымыздағы «Туран» стадионында болып өтти. Онда Қарақалпақстан Республикасы Жоқарғы Кеңесиниң Баслығы М.Ерниязов, Өзбекстан миллий олимпия комитетиниң Президенти  У.Аҳмаджанов  жыйналғанларды халықаралық балаларды қорғаў күни ҳәм балалар футболы фестивалының ашылыўы менен қутлықлады.

Дәслеп 7 жастан 11 жас­қа шекемги 200 жас футболшы менен мастер класс шынығыўы өткерилип, олар­ға Президентимиздиң саўғалары тапсырылды. Буннан кейин Өзбекстан U-16 ҳәм Қарақалпақстан сайланды командаларының жолдаслық ушырасыўы болып өтти. Ушырасыўда есап ашылмады. Соң майданға Өзбекстан U-16 ҳәм Хорезм ўәлаяты сайланды командаларының футболшылары шықты. Қызығарлы өткен ушырасыў 1:1 есабында теңбе-тең жуўмақланды.

Фестиваль Өзбекстан ҳәм Қарақалпақстан көр­кем­-өнер шеберлери менен жас атқарыўшыларының концерт бағдарламасы, республикамыз спорт мектеплери тәрбияланыўшыларының көргизбели шығыўлары менен жуўмақланды.

Илажға ЮНИСЕФ балалар шөлкеминиң Өзбекстандағы ўәкилханасының басшысы С.Грауманн қатнасты. 

 

 

Басқа жаңалықлар RSS

18.01.2019 АРАЛДЫҢ УЛТАНЫНДА 13 ОРЫНДА КОНЦЕРТ ШӨЛКЕМЛЕСТИРИЛДИ

Бəршеңизге мəлим, ҳəзирги ўақытта Ҳүрметли Президентимиздиң басламасы менен экологиялық шараятта жасап атырған республикамыз, соның ишинде Мойнақ районы халқының турмыс шараятларын буннан былай да жақсылаў, Арал теңизиниң қурыўы ақыбетинде жүзеге келген экологиялық жағдайды жумсартыў, аймақта жасыл тоғайлықлар пайда етиў бойынша кең көлемли жумыслар əмелге асырылмақта.

 

16.01.2019 САЛТАНАТЛЫ ЖЫЙНАЛЫС

Усы жыл 13-январь күни Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Қураллы Күшлери дүзилгениниң 27 жыллығы ҳәм Ўатан қорғаўшылары күнине бағышланған салтанатлы жыйналыс болып өтти.

15.01.2019 ҚӘНИГЕЛЕСТИРИЛГЕН ОҚЫЎ-ӘМЕЛИЙ КУРСЛАРЫ БАСЛАНДЫ

Усы жыл 15-январь күни Арқа-Батыc әскерий округиниң Нөкиc гарнизонында Қарақалпақстан Республикасы Ишки ислер уйымларының кәнигелестирилген оқыў-әмелий курсларының дәслепки сабақлары басланды.