Қарақалпақстан Республикасы Жоқарғы Кеңеси

⌂ ЎЗ ҚР РУ EN

ХАЛЫҚ ШАЙЫРЫНА ҲҮРМЕТ

Бүгинги күни Шымбай ра­йонында 115 мыңға шамалас халық тыныш-татыў өмир сүрмекте. Соңғы ўақытлары елимизде Ҳүрметли Президентимиз Ш.Мирзиёев басшылығында республика ҳүкимети тәрепинен алып барылып атырған кең көлемдеги реформалар бул аймақ тур­ғынларының да социаллық турмысында жаңаланыў ҳәм өзгерислердиң жүз бериўине өзиниң унамлы тәсирин тийгизбекте. Әсиресе, «Халық мәмлекетлик уйымларға емес, мәмлекетлик уйымлар халыққа хызмет етиўи тийис» деген принцип тийкарында район ҳәкимлиги тәрепинен халықтың күн көриси ҳәм мәдений демалысын жақсылаў мақсетинде жүргизилип атырған жумыслар дыққатқа ылайық. Атап айтқанда, жақында районға кире берис­те Қарақалпақ бақсышылық өнериниң тийкарын салыўшылардың бири Ақымбет бақсының ҳүрметине күтә көркем ҳәм саўлатлы естелик мавзолейи тикленген болса, оның жанынан XIX әсирдеги әдебия­тымыздың ири ўәкиллери Күнхожа Ибрайым улы ҳәм Бердақ Ғарғабай улының естелигиниң қурылыс жумыслары баслап жиберилди. Усындай ийгиликли ислерден руўх­лан­ған ра­йон исбилерменлери «l-июнь — Халық­аралық балаларды қорғаў күни»  «Шахтемир стадионы» жанында халқымыздың сүйикли ша­йыры, Өзбекстан Қаҳарманы И.Юсупов ҳүрметине улыўма майданы 20 гектарға тең Ибра­йым Юсупов атындағы «Шымбай Golden Park» ҳәм «Жипек жолы» МПЖ аймағында «Радуга» атлы мәдений дем алыў паркин иске қосты.

— «Миллий банк»тен 3 миллиард сум кредит алып, Қытай мәмлекети ҳәм Ташкенттен заманагөй аттракционларды сатып алып орнаттық, -дейди исбилермен Бахыт Юсупова. — Сондай-ақ, халыққа қолайлылық жаратыў мақсетинде парк ишине 2 мың түп шырша, емен, мың түп ҳәр қыйлы гүл нәллерин отыр­ғыздық ҳәм 20 жумыссыз пуқараны жумыс пенен тәмийинледик...

Бул салтанатлы илаж­ларға район ҳәкими П.Ещанов қатнасып, аймақ хал­қын, соның ишинде ертеңги келешегимиз болған балаларды байрам менен қутлықлап, быйылғы оқыў жылын үлгили баҳалар менен тамамлап, ҳәр қыйлы таңлаў ҳәм спорт жарысларында жеңимпазлықты қолға киргизген оқыўшыларға естелик саўғаларды тапсырды.

 

 

Басқа жаңалықлар RSS

02.08.2018 ЖЫНАЯТШЫЛЫҚҚА ҚАРСЫ ГҮРЕСИЎДЕ БИРГЕ ИСЛЕСИЎДИ КҮШЕЙТИЎИМИЗ ТИЙИС

Бердақ атындағы Қарақалпақ мәмлекетлик академиялық музыкалы театрында Өзбекстан Республикасы Президенти Шавкат Мирзиёевтиң басшылығында усы жыл 27-июль күни жынаятшылықтың ерте алдын алыў бағдарындағы жумыслардың бүгинги жағдайы, бул бойынша ишки ислер уйымлары ҳәм басқа да мәмлекетлик уйымлардың жуўапкершилигин арттырыў, системада жүзеге келген машқалалар менен кемшиликлерди сапластырыў мәселелерине бағышланып болып өткен  видеоселектор мәжилисинен келип шығатуғын ўазыйпаларға арналған ушырасыў болып өтти.
 

02.08.2018 ИНВЕСТИЦИЯЛЫҚ ЖОЙБАРЛАРДЫҢ ОРЫНЛАНЫЎ БАРЫСЫ ДОДАЛАНДЫ

Қарақалпақстан Республикасы Жоқарғы Кеңесинде республикамыз делегациясының сырт еллерге сапары даўамында дүзилген инвестициялық жойбарлардың ҳәм басқа да шәртнамалардың орынланыў барысы, бул бағдарда орын алып атырған айырым машқалалар және оның шешими бойынша алда турған ўазыйпаларға бағышланған мәжилис болып өтти.

24.07.2018 АРАЛ УЛТАНЫНДА ЖӘНЕ БИР ГАЗ ҚУДЫҒЫНАН ГАЗ ШЫҚТЫ

Бурын хабар еткенимиздей, «Үстирт геофизика экспедициясы» филиалы жәмәәти бүгинги күнде Үстирт кеңислиги ҳәм Аралбойы аймақларында ҳәм оның ултанында шет ел («Лукойл», “ERIEL”) компаниялары менен биргеликте тәбийғый жер асты байлықларын излеў ҳәм изертлеў жумысларын алып бармақта. Январь айында, олар тәрепинен төменги Сүргил кәни ашылып, оны өзлестириў бойынша жумыслар баслап жиберилген еди. Үстирт излеў-бураўлаў басқармасы менен биргеликте алып барылған жумыслар нәтийжесинде күни кеше бул жерде қазылған тағы бир қудықтан газ шыға баслады.

22.07.2018 КУБОК ЖЕҢИМПАЗЛАРЫ АНЫҚЛАНДЫ

Пайтахтымыз Нөкис қаласында спорттың мини футбол, волейбол ҳәм стол тенниси бойынша Қарақалпақстан Республикасы Жоқарғы Кеңесиниң кубогы ушын болып өткен жарыс жуўмақланып, жеңимпазлар анықланды.

20.07.2018 КӨШПЕЛИ ҚАБЫЛЛАЎЛАР

Өзбекстан Республикасы Президентиниң тапсырмасына бола, бүгинги күнде республикамыздың барлық қала ҳәм районларында көшпели қабыллаўханалар шөлкемлестириў режелестирилген. Қарақалпақстан Республикасы Жоқарғы Кеңесиниң Баслығы Муўса Ерниязов республикамыздың ең шетки аймақларынан бири болған — Қоңырат районының «Қарақалпақстан» посёлкасы турғынлары менен ушырасты.

17.07.2018 ПАЙТАХТЫМЫЗДА 55 МЕТР БИЙИКЛИКТЕГИ БАЙРАҚЛАР ОРНАТЫЛАДЫ

Өзбекстан Республикасы мәмлекетлик ғәрезсизлигиниң жигирма жети жыллық байрамы алдында Нөкис қаласында Өзбекстан ҳәм Қарақалпақстан Республикаларының мәмлекетлик байрақлары орнатылады.

16.07.2018 СПОРТ ОЙЫНЛАРЫНА СТАРТ БЕРИЛДИ

Республикалық ойын түрлери ҳәм жеңил атлетика бойынша қәнигелестирилген балалар ҳәм жас өспиримлер спорт мектебинде жарыстың ашылыў салтанаты болып өтти. Илажда  Қарақалпақстан Республикасы Жоқарғы Кеңесиниң комитет баслығы С.Турманов шығып сөйлеп, жарыс қатнасыўшыларына әўмет тиледи.