Қарақалпақстан Республикасы Жоқарғы Кеңеси

⌂ ЎЗ ҚР РУ EN

Республикамыздың барлық исбилерменлерине, ҳаял-қызларына, жасларына ҳәмде гүллән халқына үндеў

Әзиз дослар!

Бүгинги күнде еркин ҳәм абат елимиздиң барлық тараўларында раўажланыўлар жүз берип, қала ҳәм аўылларымыз абаданласып, халқымыздың турмыс дәрежеси ҳәр қашанғыдан да жақсыланып бармақта.

Әлбетте, көз алдымызда жүз берип атырған бундай өзгерислер менен жаңаланыўлар усы елде жасап ҳәм мийнет етип атырған ҳәр бир инсанда миллий мақтаныш сезимлерин оятады.

Әсиресе, быйылғы жыл өзиниң үлкен дөретиўшилик жумыслары, қолға киргизилген мол табыслары, жетискенликлери ҳәм уллы мақсетлери менен ажыралып, ҳәр бир инсанды елимиздиң буннан былай да раўажланыўы, халқымыздың және де абадан турмысы жолындағы ийгиликли ислерге қарай руўхландырмақта.

Ҳүрметли Президентимиз тәрепинен быйылғы жылдың «Жедел исбилерменлик, инновациялық идеялар ҳәм технологияларды қоллап-қуўатлаў жылы» деп белгилеп берилиўи ҳәр бир пуқараның анық мақсетлерге қарай умтылыўына, ойлаған нийетлерине жетисиўине, дәўир менен теңдей қәдем таслаўға беккем тийкар болмақта.

Бәршемизге мәлим, бүгинги күнде елимизде исбилерменликти ҳәр тәреплеме қоллап-қуўатлаўға, оларға барлық қолайлықларды жаратып бериўге, ушырасып атырған барлық тосықларды алып таслаўға, олардың жумысларына нызамсыз араласыўдың алдын алыўға қаратылған көплеген пәрман ҳәм қарарлар қабыл етилмекте.

Бул өз гезегинде, тәбийғый байлықларға толы болған үлкемиз ресурсларынан ақылға муўапық пайдаланыў, барлық аймақларда санаат, өндирис, хызмет көрсетиў, аўыл хожалығы ҳәм басқа да тараўда исбилерменликти кеңнен ен жайдырыў илажларын жаңа басқышларға көтериўге тийкар салмақта.

Исбилерменлерди материаллық қоллап-қуўатлаў бағдарында оларға коммерциялық банклер тәрепинен көплеген жеңиллетилген кредитлердиң берилиўи, мәмлекетлик мүлклердиң, бос турған имаратлардың бийпул ажыратылыўы, салық төлемлеринен жеңилликлердиң енгизилиўи, аймақларда еркин экономикалық зоналардың шөлкемлестирилиўи исбилерменлерге деген жоқары исеним ҳәм ғамхорлықтың айқын мысалы болып табылады.

Исбилерменлеримиз тәрепинен усындай имканият ҳәм жеңилликлерден нәтийжели пайдаланып, жоқары табыслар қолға киргизилип атырған бир пайытта, айырым пуқаралардың итибарсызлық, ҳәрекетсизлик, ериншеклик, арқайынлық ҳәм өзи боладылық ҳалатында қалып кетиўлери де ушыраспақта.

Адамларды бундай унамсыз ҳалатлардан алып шығыўда, олардың келешекке деген көз-қарасын түп-тийкарынан жақсылаўда, исбилерменликке үйретиўде әсиресе жасларымызды исбилерменликке үйретиўде, пайдалы ис пенен шығылланыўға тартыўда биринши нәўбетте ҳәр бир ата-ананың, ҳаял қызларымыз бенен нуранийлеримиздиң ҳәмде мәҳәллениң роли айрықша екенин умытпаўымыз тийис.

Бүгинги күнде мәҳәлле институтларын раўажландырыў, оның жумысларын муўапықластырыў бойынша алып барылып атырған жумыслар да халықтың турмыс дәрежесин көтериўге, шаңарақларды кем тәмийинленгенлер қатарынан шығарыўға бағдарланбақта.   

 

Қәдирли ўатанласлар!

 

Ҳүрметли Президентимиздиң «Исбилермен бай болса халық бай болады» деген терең мазмунлы пикирлерин өзимизге тийкарғы уран етип алып, быйылғы жылдан баслап биринши нәўбетте шаңарағымыздың абадан турмыс кешириўи ҳәм елимиздиң социаллық-экономикалық раўажланыўы ушын мәрдана бел байлайық.

Ҳүкиметимиз тәрепинен исбилерменликти қоллап-қуўатлаў бағдарында жаратылып атырған имканиятлардан нәтийжели пайдаланып, бүгинги күнде жумыс алып барып атырған барлық исбилерменлерден көпшиликке ибрат болып, ўатанласларымызға, өз жақынларымызға, жасларымызға турмыслық тәжирийбелерден келип шығып кеңеслер бериўин, устазлық етиўин ҳәм жол-жоба көрсетиўин, өзлериниң алып барып атырған ийгиликли ислерин даўам еттирип, еле де жоқары жетискенликлерге ерисиўин сораймыз!

Сизлерди және бир мәрте ҳәр бир күннен ҳәм имканиятлардан үнемли пайдаланып, өз бизнесиңизди баслап, оны жолға қойыўға ҳеште екиленбестен қәдем таслаўға, ҳуқық ҳәм еркинлигиңизден толық пайдаланыўға, елимизди және де раўажландырыўға бар күш-ғайратыңызды жумсап, исбилерменликти жолға қойыўға шақырамыз!

 

Қарақалпақстан Республикасы Жоқарғы Кеңеси

 

 

Басқа жаңалықлар RSS

17.06.2018 БЕЛГИЛИ МӘМЛЕКЕТЛИК ҒАЙРАТКЕРДИҢ ЮБИЛЕЙИНЕ БАҒЫШЛАНДЫ

Өткен екшемби күни Бердақ атындағы Қарақалпақ мәмлекетлик академиялық музыкалы театрында  «Дослық» ордениниң ийеси, Қарақалпақстан Республикасына мийнети сиңген ирригатор, техника илимлериниң кандидаты Тимур Камаловтың туўылғанының 80 жыллығына бағышланған «Мәмлекетлик ғайраткер, илимпаз ҳәм устаз» атамасында илимий конференция болып өтти.

15.06.2018 ҲАЙЫТ НАМАЗЛАРЫ ОҚЫЛДЫ

15-июнь күни Мүбәрек Рамазан ҳайты мүнәсибети менен республикамыздағы барлық 50 жомъе мешитинде ҳайыт намазлары оқылып, оларға 15 мыңнан аслам журтласымыз қатнас­ты.

12.06.2018 БЮДЖЕТКЕ ҚОСЫМША ДӘРАМАТ ТҮСИРИЎ ҲӘМ БАҲАЛАРДЫҢ ТУРАҚЛЫЛЫҒЫН ТӘМИЙИНЛЕЎ МӘСЕЛЕЛЕРИ ДОДАЛАНДЫ

Қарақалпақстан Республикасы Жоқарғы Кеңесинде бюджетке қосымша дәрамат түсириў дәреклерин анықлаў, оны түсириў ҳәм инфляцияның алдын алыўға бағышланған мәжилис болып өтти.

09.06.2018 ӨЗБЕКСТАН ФЕРМЕР, ДИЙХАН ХОЖАЛЫҚЛАРЫ ҲӘМ ҚЫЙТАҚ ЖЕР ИЙЕЛЕРИ КЕҢЕСИНИҢ ЕЛИМИЗ ФЕРМЕРЛЕРИНЕ МҮРӘЖАТЫ

Президентимиз Шавкат Мирзиёевтиң басшылығында жақында болып өткен видеоселектор мәжилисинде аўыл хожалығындағы әҳми­йетли мәселелер, соның ишинде, ғаўаша тәрбиясы, суўдан ақылға муўапық пайдаланыў сыяқлы әҳмийетли илажларды нәтийжели өткериў додаланып, елимизде     1-июньнен — 1-июльге шекем «Ғаўашада кепил­ликли зүрәәт жетистириўдиң ылғаллы айлығы» деп жәрия­ланды.

 

09.06.2018 СУЎДАН ПАЙДАЛАНЫЎДА ЫСЫРАПГЕРШИЛИККЕ ЖОЛ ҚОЙМАЙЫҚ

Өзбекстан Республикасы Президенти Ш.М.Мирзиёевтиң басшылығында 2018-жыл 29-май күни өткерилген видеоселектор мәжилисинде белгилеп берилген тапсырмалар, соның ишинде, суў ресурсларынан нәтийжели пайдаланыў, пахта ҳәм бийдай егинлеринен жоқары зүрәәт алыў, халықтың азық-аўқат қәўипсизлигин тәмийинлеў бағдарында алып барылып атырған илажларда 4 сектор басшыларының жуўапкершилигин арттырыў, аўыл хожалығы егинлерин, соның ишинде ғаўаша майданларын өз ўақтында суўғарыўды шөлкемлестириў, бийдайдан босаған майданларға суў аз талап ететуғын егинлерди егиў, суў ресурсларынан мақсетли пайдаланыў мәселелери додаланып, ўазыйпалар белгиленди. Бул бағдардағы нызамшылық ҳүжжетлери, бағдарламалар ҳәм тийисли илажлардың орынланыўын тәми­йинлеўдеги нызам бузыўшылықлар ушын жуўапкершилик шараларын көриў қатаң ескертилди.

08.06.2018 ХАЛЫҚАРАЛЫҚ КОНФЕРЕНЦИЯ ҚАТНАСЫЎШЫЛАРЫ РЕСПУБЛИКАМЫЗДА

Усы жылы 7-8-июнь күнлери Ташкент қаласында болып өткен «Арал машқаласы ақыбетлерин сапластырыў бойынша биргеликтеги ҳәрекетлер: жаңаша қатнаслар, инновациялық шешимлер ҳәм инвестициялар» темасындағы халықаралық конференцияның қатнасыўшылары республикамызда болды.

08.06.2018 БОСАҒАН ОРЫНЛАРҒА ҚАРАҚАЛПАҚСТАН РЕСПУБЛИКАСЫ ЖОҚАРҒЫ КЕҢЕСИНИҢ ДЕПУТАТЛАРЫН САЙЛАЎДЫ ӨТКЕРИЎ КҮНИН БЕЛГИЛЕЎ ҲАҚҚЫНДА

ҚАРАҚАЛПАҚСТАН РЕСПУБЛИКАСЫ ОРАЙЛЫҚ САЙЛАЎ КОМИССИЯСЫНЫҢ ҚАРАРЫ

«Қарақалпақстан Республикасының Жоқарғы Кеңесине сайлаў ҳаққында»ғы Қарақалпақстан Республикасы Нызамының 47-статьясына муўапық Карақалпақстан Республикасының Орайлық сайлаў комиссиясы

ҚАРАР ЕТЕДИ:

08.06.2018 Өзбекстан Республикасы Хүкимет қарарлары менен берилген салық жеңиликлери ҳаққында:

1. Өзбекстан Республикасы Президентиниң 2016-жыл 12-апрель күнги «Мийўе-овощ, картошка ҳәм палыз  өнимлерин сатып алыў ҳәм олардан пайдаланыў  системасын жетилистириў илажлары ҳаққында»ғы ПҚ-2520-санлы қарары тийкарында:

05.06.2018 Өзбекстан Республикасы ҳүкиметлик қарар ҳәм пәрманлары тийкарында банк системасындағы жеңилликлер

1. Өзбекстан Республикасы Президентиниң 2017-жыл 17-ноябрдеги ПФ-5242-санлы “Өнерментшиликти жәнеде раўажландырыў ҳәм өнерментшиликти ҳәр тәреплеме қоллап-қуўатлаў илажлары ҳаққында”ғы Пәрманы тийкарында: