Қарақалпақстан Республикасы Жоқарғы Кеңеси

⌂ ЎЗ ҚР РУ EN

МЕДИЦИНАЛЫҚ ХЫЗМЕТ КӨРСЕТИЎ МƏСЕЛЕЛЕРИ ДОДАЛАНДЫ

Усы жыл 17-январь күни  Халық депутатлары  Шоманай районлық  кеңесиниң  29-сессиясы болып өтти.

 Онда Өзбекистан Республикасы Олий Мажлиси Сенаты ағзалары ҳəм Нызамшылық палатасының депутатлары, жергиликли кеңес депутатлары, Республикалық қəниге­лестирилген  илимий-əмелий  медицина орайларының  қəнигелери, райондағы бир қатар мəкеме ҳəм исбилерменлик субъектлериниң, мəмлекетлик ҳəм мəмлекетлик емес шөлкемлердиң ўəкиллери, ғалаба хабар қуралларының хызметкерлери қатнасты. 

Сессияда халыққа медициналық-санитариялық хызмет көрсетиўдиң  сапасын жақсылаў бойынша əмелге асырылып атырған  жумыслардың  жағдайы кеңнен талқыланды.

Онда Қарақалпақстан Республикасы Жоқарғы Кеңеси Баслығының орынбасары А.Ҳамраев, Олий Мажлис Нызамшылық палатасының депутаты Н.Айтжанова ҳəм басқалар шығып сөйлеп, Президентимиз тəрепинен медицина тараўы бойынша қабыл етилип атырған қарар ҳəм пəрманлар усы тараўды  жедел раўажландырыўға  тийкар  жаратып атырғанын ҳəм бүгинги күнде  Президентимиздиң  «Өзбекистан Республикасында бирлемши  медициналық-санитариялық  жəрдем  бериў мəкемелериниң  жумысларын шөлкемлестириўди  буннан былай да жетилистириў илажлары  ҳаққында»ғы қарарын орынлаў бо­йынша райондағы 9 аўыллық  шыпакерлик пунктлери  негизинде 3  шанарақлық поликлиника шөлкемлестирилип, олар ең соңғы заманагөй  əсбап-үскенелер менен тəмийинленгенлигин атап өтти.

Нəтийжеде, медицина мəкемелеринде халықты дəри-дəрмақ өнимлери менен тəмийинлеў, қыстаўлы медициналық жəрдем хызмети жақсы жолға қойылыўына ерисилди. Медицина  мəкемелерине тез жəрдем машиналарының берилиўи болса,  наўқасларға өз ўақтында жəрдем көрсетиў  имканиятын  жаратпақта.

Атап өтилгениндей, аўыллық шыпакерлик пунктлериндеги жағдайды жақсылаў, аўыллық шыпакерлик пункти ҳəм  шаңарақлық полик­линикаларды диагностикалық əсбап-үскенелер менен тəмийинлеў,  тез жəрдем хызметиниң сапасын жақсылаў, сондай-ақ, аўыллық шыпакерлик пунктлериниң күни-түни ислеўине ерисиў, медицина бирлеспелеринде жаңа бөлимлер шөлкемлестириў ҳəм барлық медицина мəкемелерин зəрүр болған қəнигелер менен толықтырыў ўазыйпалары орынларда қалай əмелге асырылып атырғанлығы,  бүгинге шекем даўам етип атырған  машқалалар ҳəм олардың шешимлерин үйрениў тараў басшылары менен бирге халықтың исенимли ўəкиллери есапланған  депутатларымызға да жүкленген. 

Сессияда, район халқына  медициналық-санитариялық жəрдем көрсетиўдиң нəтийжелилигин  арт­тырыў бойынша пикир-усыныслар тыңланып, тараўда  жүзеге келген машқалаларды сапластырыў бо­йынша   ўазыйпалар белгиленди.

Сессия күн тəртибиндеги көрилген мəселелер бойынша  тийисли қарар қабыл етти.

Онда Өзбекистан Республикасы Олий Мажлиси Нызамшылык палатасының Спикери Н.Исмоилов қатнасты ҳəм шығып сөйледи.

 

Басқа жаңалықлар RSS

23.05.2018 А.Х.Сапарбаевты Беруний районы ҳәкими лаўазымына тайынлаў ҳаққында

А.Х.Сапарбаевты Беруний районы ҳәкими лаўазымына тайынлаў ҳаққында
Қарақалпақстан Республикасы Жоқарғы Кеңеси Баслығының
БИЙЛИГИ

23.05.2018 РАЙОНЛЫҚ КЕҢЕСТИҢ СЕССИЯСЫ

Халық депутатлары Беруний районлық Кеңсиниң гезексиз жигирма сегизинши сессиясы болып өтти.

18.05.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде Корея Республикасы «Evergreen Motors Group» компаниясының баслығы Ким Чанг Кеон басшылығындағы исбилермен, жәмийетлик ҳәм билимлендириў топары ўәкиллеринен ибарат делегацияны қабыллаў мәресими болды

17.05.2018 ОРАЙЛЫҚ САЙЛАЎ КОМИССИЯСЫНЫҢ МӘЖИЛИСИ

Усы жыл 17-май күни Қарақалпақстан Республикасы Орайлық сайлаў комиссиясының мәжилиси болып өтти.

Оны Орайлық сайлаў комиссиясының баслығы Е.Джуманазаров басқарып барды. 

08.05.2018 БАЙРАМ ТАМАШАЛАРЫНА УЛАСЫП КЕТТИ

Тарийхты еслеп жасаў, инсанды ардақлаў, өткенлердиң естелигин ҳүрметлеў — бул миллий қәдириятларымызда, дәстүрлеримизде айрықша орын тутады. Өйткени,  халқымыздың турмысында   өшпес из қалдырған бул сәне ҳәр бир шаңарақта, ҳәр бир қала ҳәм аўылда жыл сайын қуўаныш-қайғы менен  күтип алынады. Себеби, елимизде тәғдири мине усы сәне менен байланыспаған, яғный, ата-бабалары екинши жер жүзилик урыс­тың  зардабын тартпаған бирде-бир шаңарақ болмаса керек.

08.05.2018 ИНСАН ҚӘДИРИ УЛЛЫ, ЕСЛЕЎ МУҚАДДЕС

Пайтахтымыздағы «Ҳәсиретли ана» естелиги алдында 9-май — Еслеў ҳәм қәдирлеў күнине, сондай-ақ, Екинши жәҳән урысында қурбан болғанлардың ҳүрметине арналған мәресим болып өтти. 

04.05.2018 «МЕҲНАТ ФАХРИЙСИ» КӨКИРЕК БЕЛГИЛЕРИ ТАПСЫРЫЛДЫ

Қарақалпақстан Республикасы Жоқарғы Кеңесинде Өзбекистан Республикасы Президентиниң 2016-жыл 28-декабрьдеги «Өзбекистан ветеранларын социаллық қоллап-қуўатлаў «Нураний» қорының жумысын буннан былай да жетилистириў илажлары ҳаққында»ғы Пәрманы тийкарында шөлкемлестирилген I, II, III дәрежели «Меҳнат фахрийси» көкирек белгилерин тапсырыў салтанаты болып өтти.

02.05.2018 ЖОҚАРҒЫ КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде усы жылдың 21 ҳәм 24-апрель күнлери аралығында Өзбекстан мусылманлары басқармасы тәрепинен шөлкемлестирилген Қуран жарысының «Ҳифз» жөнелиси бойынша биринши орын ийеси, жарыстың абсолют жеңимпазы жерлесимиз, Ташкент Ислам институтының талабасы Жолдасбай Нуритдиновты қабыллаў мәресими болды.

28.04.2018 МИЙНЕТТИ ҚОРҒАЎ: ЖАС ХЫЗМЕТКЕРЛЕРДИ ҚОЛЛАП-ҚУЎАТЛАЙМЫЗ

Қарақалпақстан Республикасы Жоқар­ғы Кеңеси жанындағы Пуқаралардың кепилленген мийнет ҳуқықларын тәмийинлеў мәселелери бойынша аймақлық комиссиясы ҳәм Қарақалпақстан кәсиплик аўқамлары шөлкемлери бирлеспеси Кеңесиниң шөлкемлестириўинде усы атамада «28-апрель — Дүнья жүзилик мийнетти қорғаў күни» мүнәсибети менен дөгерек сәўбети болып өтти.